Agjenti i Marek Hamsik, Juri Venglos ka thënë se klienti i tij është i lumtur për rekordin që ia theu dje ish bashkëlojtari, Dries Mertens.

Hamsik ishte golashënuesi numër një në histori të Napoli-t, mirëpo belgu me golin e djeshëm e theu këtë rekord, transmeton portali arbresh.info.

Agjenti ka thënë se Hamsik është i lumtur që Mertens e theu rekordin e tij dhe ka konfirmuar se lojtari mund të rikthehet nga pensionimi.

“Dries dhe Marek janë shok të afërt. E di sigurt se Marek është shumë i lumtur që Mertens e theu rekordin”.

“Hamsik është i dyti në renditje dhe ai është i lumtur. Hamsik do të shikojë finalen mes Napoli-t dhe Juventus-it të mërkurën”.

“Ai do brohoras për Napoli-n. Pas së gjithash, është ndeshje që luajti në Romë kundër Juventus-it dhe fitoi Kupën e Italisë kohë më parë”.

“Marek dëshiron të luaj edhe për dy ose tri vite. Mendoj se mund të rikthehet në Sllovaki, ose të Napoli sepse është shtëpia e tij”, theksoi ai.

Finalja mes Napoli-t dhe Juventus-it do të zhvillohet me 17 qershor./arbresh.info.