Adnan Janzuaj e fajëson Jose Mourinhon për shkurtimin e karrierës së tij në Manchester United dhe beson se ai është i mirë mjaftueshëm për të qenë ende në Old Trafford.

Reprezentuesi i Belgjikës u shfaq në skenë si një 18 vjeçar nën udhëheqjen e David Moyes, por dështoi për të përmbushur pritshmëritë e hershme nën udhëheqjen e Louis van Gaalit dhe Mourinho, transmeton portali arbresh.info.

Ai nuk ishte pjesë e planeve të Mourinhos vitin e kaluar dhe portugezi i lejoi atij t’i bashkohej Real Sociedadit pas një sezoni të shpenzuar si një i huazuar te Sunderlandi.

“Në të vërtetë nuk kam marrë asnjë shans sepse atë kohë ai [Mourinhoo] ndoshta kërkoi lojtarë me më shumë eksperiencë”, ka thënë Januzaj për ‘Sky Sports News’.

“Për mua, nuk ishte problem”, shtoi ai.

“Më është dashur të zhvendosem dhe tani jam i lumtur në Spanjë”

“Unë gjithmonë e kam ditur se kam cilësi për të luajtur për Manchester United. E di se çfarë janë në gjendje të bëjë”

“Ata nuk më dhanë ndonjë shans, por nuk është problem. Jam i lumtur në Spanjë dhe jam duke shijuar futbollin tim”

Januzaj ka bërë 35 paraqitje për United gjatë sezonit 2013-14 dhe është vlerësuar si një yll me të ardhme në Old Trafford.

Por, ai u largua dhe rindërtoi karrierën e tij në Spanjë si dhe mori pjesë te skuadra e Belgjikës për ndeshjet gjysmëfinale në Kampionatin Botëror në Rusi./arbresh.info/