Manchester City po përgatitet të hapë bisedimet me Erling Haaland për një kontratë të re.

Marrëveshja aktuale e 22-vjeçarit zgjat deri në verën e vitit 2027, por City është i etur të shpërblejë Haaland për sezonin e tij të bujshëm debutues dhe të zgjasë qëndrimin e tij për dy vjet të tjera.

Kontrata aktuale e Haaland fillimisht përfshinte një klauzolë lirimi me vlerë 150 milionë funte, e cila ishte planifikuar të bëhej aktive në vitin 2024.

Megjithatë, kuptohet se klauzola e lirimit në marrëveshjen e Haaland u hoq kur Pep Guardiola nënshkroi një zgjatje të kontratës dyvjeçare me Cityn në nëntor 2022.

City përdori klauzolën e lirimit prej 51 milionë £ në kontratën e Haaland me Borussia Dortmund për ta sjellë atë në Etihad Stadium verën e kaluar dhe kampionët e Premier League do të jenë të etur të sigurohen që asnjë klub tjetër nuk mund të përfitojë nga një klauzolë e ngjashme.

Burimet bëjnë të ditur për Football Insider se Haaland është shumë i lumtur te City dhe se e ka bërë të qartë se është i hapur për të negociuar një marrëveshje të re./Arbresh.info/