Ad Banner
Ad Banner
Ad Banner
Ad Banner

Vogëlushja shqiptare vdes në spitalin italian, 22 persona nën hetim

23:08 | 28 Shkurt 2017
Trina Galanxhi

Plot 22 persona, përfshirë mjekë, pediatër, neurologë dhe infermierë janë vënën nën hetim nga prokuroria në Breshia të Italisë për vdekjen e një vajze 4 vjeçare, e cila u godit nga meningjiti i pneumokokut, formë jo ngjitëse por potencialisht vdekjeprurëse.

Vajza me origjinë shqiptare që jetonte në Cremona me familjen e saj u shtrua në spitalin e Maggiore të enjten më 16 shkurt.

Tri ditë më vonë u transferua në gjendje kritike në spitalin civil të Breshias, për të gjetur vdekjen 24 orë më vonë.

Prokuroria ka urdhëruar kryerjen e autopsisë në trupin e vogël të fëmijës pranë Institutit të Mjekësisë Ligjore në Verona për të hedhur dritë mbi shkaqet e ngjarjes.

Prokuroria synon të zbulojë nëse ka pasur neglizhencë nga ana e stafit të dy spitaleve dhe nëse janë zbatuar protokollet e nevojshme të mjekimit.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm