Një 23-vjeçar në Librazhd ka humbur jetën teksa riparonte makinën e tij në një servis.

Blutë bëjnë me dije se shtetasi L. D., 23 vjeç është dërguar fillimisht në Spitalin e Librazhdit pas dëmtimeve që ka marrë teksa riparonte makinën e tij në servisin e shtetasit I.P.

Sakaq, si pasojë e plagëve të marra 23-vjeçari ka humbur jetën, nderkohë grupi hetimor po punon për zbardhjen e rrethanave të ngjarjes tragjike.

Njoftimi i policisë:

Në Spitali i Librazhdit është dërguar për mjekim shtetasi L. D., 23 vjeç, i cili dyshohet se është dëmtuar aksidentalisht gjatë kohës që po riparonte mjetin e tij në servisin e shtetasit I. P.

Si pasojë e dëmtimeve të marra, 23-vjeçari ka humbur jetën.

Grupi hetimor po punon për zbardhjen e rrethanave dhe dokumentimin ligjor të rastit.