Kryetari i PD-së Lulzim Basha ka vizituar tre familje në Tiranë dhe ka dëgjuar shqetësimet e tyre.

Basha ka përcjellë një video ku përmblidhen takimet e kryera dhe në postimin e tij në rrjetin social, shkruan se familjet e Nikos, Gëzimit e Ilirit, kanë të njëjtat halle, ekonominë e dobët, emigrimin e fëmijëve dhe papunësinë e lartë.

https://www.facebook.com/lulzimbasha.al/videos/421255638695881/

“Për vizitë në familjet e Nikos, të Gëzimit dhe të Ilirit, te cilët jetojnë në të njëjtin pallat dhe ndajnë të njëjtat halle: ekonomi e dobët, papunësi e lartë dhe emigrim masiv. Me problemet e tyre përballet sot pjesa më e madhe e familjeve shqiptare. Pasi dëgjova me vëmendje shqetësimet e tyre, i sigurova ata se ne i kemi të gjitha mundësitë për një jetë më të mirë këtu në Shqipëri! Për këtë na duhet një ndryshim i madh në qeverisje, në botëkuptim dhe në prioritete për ta vënë në jetë këtë potencial të jashtëzakonshëm që do të garantojë kushte më të mira ekonomike për  familjet shqiptare dhe do t’i japë fund largimit masiv nga vendi”, shkruan Basha.