Rindërtimi i shkollës “Onufri” në Elbasan, Rama: E rindërtuar me standarde evropiane për 340 nxënës

08:06 | 4 Shtator 2024
E.G

Kryeministri i Shqipërisë, Edi Rama ka thënë se shkolla e mesme artistike “Onufri” në Elbasan është rindërtuar me standarde evropiane.

Me anë të një postimi në Facebook, ai tha se ky projekt është një tjetër investim i Ministrisë së Arsimit dhe Sportit dhe Bashkisë Elbasan, shkruan Arbresh.info.

Ndërkaq, Rama njofton se kjo shkollë do t’i shërbejë 340 nxënësve.

“Mirmëngjes dhe me shkollën e mesme artistike “Onufri” në Elbasan, një tjetër investim i Ministrisë së Arsimit dhe Sportit dhe Bashkisë Elbasan, e rindërtuar me standarde europiane, me klasa të reja, laboratorë shkencorë, palestër dhe sallë koncertesh për 340 nxënës-artistë, ju uroj një ditë të mbarë”, ka shkruar ai./Arbresh.info/