Ashtu si prej kohësh, edhe këtë të shtunë, kryeministri i Shqipërisë, Edi Rama e ka nisur ditën me promovimin e zonave turistike.

Ai publikon pamje nga Voskopoja, ku janë bërë ndërhyrje për ruajtjen e trashëgimisë kulturore.

“Me këto pamje nga kantierët e rilindjes së vlerave të trashëgimisë sonë kulturore në Voskopojën e bukur, ju uroj një fundjavë të qetë”, shkruan Rama.

Në videon më poshtë gjeni pamjet e publikuara nga kreu i qeverisë.

Voskopoja është një fshat 20 km në perëndim të qytetit të Korçës me rrugë të asfaltuara. Ai është i vendosur në një pllajë 1160 m të lartë e rrethuar me male e pyje me pisha e bredha, me ajrin plot ozon dhe burime ujore të kristalta, si “Burimi i Floririt” etj. Vendbanim i hershëm që nga viti 1330.

Në dimër funksionon pista e skive ku dhe zhvillohen gara rajonale dhe kombëtare. Vera është e freskët dhe dimri i ftohtë me reshje dëbore gjatë pjesës më të madhe të stinës. /Telegrafi/

https://www.facebook.com/edirama.al/videos/10155920954111523/