Drejtoria e Policisë së Qarkut Durrës ka reaguar në lidhje me ngjarjen e paprecedentë, ku i arrestuari 21-vjeçari Edison Pula është arratisur nga ambientet e komisariatit të Krujës.

Policia thekson se ngjarja ka ndodhur duke përfituar nga pakujdesia e dy efektivëve, e më pas Pula ka arritur të kapërceje murin rrethues të komisariatit. Ndër të tjera burime zyrtare thonë se po hetohen shkeljet e punonjësve të policisë.

NJOFTIMI I POLICISË
Mbrëmjen e sotme, duke përfituar nga pakujdesia e dy Punonjësve të Policisë, në momentin e transferimit nga Stacioni i Policisë Fushë-Krujë në Komisariatin e Krujës ka kapërcyer murin rrethues dhe është arratisur shtetasi Edison Pula, 21 vjeç, banues në Krujë. Pula ishte ndaluar sot, në kuadër të operacionit”Shënjestra”ku u arrestuan në flagrancë dy shtetas, ndaluar 7 të tjerë dhe shpallur në kërkim një tjetër. Policia ka rrethuar dhe po kreh të gjithë zonën përreth me qëllim kapjen e shtetasit të arratisur. SHÇBA-ja po verifikon shkeljen e rregullave të Shërbimit nga Punonjësit e Policisë që kanë qenë me detyrë për shoqërimin e shtetasit të mësipërm.