Nuk do ta besoni kë sheh si kryeministër të ardhshëm Ilir Meta

13:15 | 31 Dhjetor 2017
Arbresh.info

Presidenti i Republikës së Shqipërisë, z.Ilir Meta, ishte i ftuar në puntatën e sotshme të emisionit “Xing me Ermalin”, ku pa e nisur ende mirë intervistën, ka shkaktuar të qeshura të shumta me batutat e tij.

Vetëm pak pas mbërritjes së Metës në studio, moderatori i emisionit Ermal Mamaqi, deklaroi se intervistën nuk do ta niste ai, por një person që aspiron të bëhet kryeministër. “Aleksandër Frangaj?”- pyeti menjëherë presidenti duke shpërthyer më pas në të qeshura së bashku me publikun dhe Mamaqin.

“Pse, Sandri aspiron të bëhet kryeministër?”-vijoi më tej Ermal Mamaqi, ndërsa Meta iu përgjigj: “Ai nuk e ka thënë asnjëherë, megjithatë nuk e besoj… Po këtu s’ka mandat!” Mirëpo, personi që aspironte të bëhej kryeministër në fakt ishte Era Meta, vajza e presidentit, e cila intervistoi të atin gjatë emisionit. /Xing.al.