Një ngjarje e rëndë ka tronditur Mirditën mbrëmjen e sotme (25 shkurt), ku vëlla e motër janë vrarë me armë zjarri.

Ngjarja ka ndodhur në Kodër Rrëshen dhe sipas policisë, dy personat janë vrarë në oborrin e banesës.

Policia thotë se viktimat janë shtetasi V.F dhe motra e tij shtetasja E. F.

Nga dyshimet para ata janë vrarë nga ish-bashkëshorti i shtetases E.F., shtetasi Fatmir Koleci, i cili ka qenë edhe i ndaluar nga policia për dhunë.

“Më datë 25.02.2020, në Kodër Rrëshen, Mirditë, rreth orës 20.40, në oborrin e banesës, janë vrarë me armë zjarri shtetasit V.F dhe motra e tij shtetasja E.F.  Nga informacionet e para dyshohet se  janë qëlluar me armë zjarri nga shtetasi F.K nga fshati Zejmen Lezhë, ish bashkëshorti i shtetases E.F, i cili pas krimit është larguar menjëherë nga vendngjarja”, sqaron policia.

Dy viktimat janë dërguar në morgun e spitalit, ndërsa policia dhe grupi hetimor po punon për zbardhjen e rrethanave të ngjarjes./oranews