Meta: Njerëzit po largohen nga vendi, shkak konflikti politik

22:34 | 15 Nëntor 2018
Trina Galanxhi

Presidenti Ilir Meta deklaroi në studion e “Open” se konflikti politik po largon njerëzit nga vendi. Meta tha se mazhoranca ka rolin kryesor për të bërë më tepër përpjekje.

“Jemi mësuar me teori konspiracioni. Më vjen keq që keni fenomene negative në shoqëri.

Përmes konflikteve të panumërta, shmanget vëmendja nga çështjet esenciale, në mënyrë që të mos kemi këtë situatë. Që mos kemi njerëz që duan të largohen nga vendi, për fat të keq kjo është e rëndë”, tha Meta.

Eni Vasili: Mendoni se njerëzit largohen për shkak të konfliktit politik?

“Po, sidomos për njerëzit me aftësi krijuese. I takon mazhorancës të bëjë përpjekje. Është e lehtë të fajësosh opozitën, ama mazhoranca duhet të marrë më shumë përgjegjësi”, deklaroi Meta.