Në aeroportin e Kukësit po punohet për zgjerimin e pistës ekzistuese si dhe për krijimin e hapësirave të sigurisë. Vitin e ardhshëm parashikohet të nisin dhe fluturimet.

Kjo portë ka qëndruar për shumë kohë mbyllur. Aty askush nuk lejohet të futej dhe pse aeroporti i Kukësit ishtë jashtë funksionit.

Objektet cilësoheshin të rëndësisë së veçantë dhe pranë tyre nuk mund të afrohej kush. Me nisjen e punimeve edhe rojet nuk bërtasin më. Kurse këto godina të vogla nuk do të ekzistojnë.

Mjetet e makinerive të rënda po zgjerojnë hapësirën ekzistuese. Do zgjerohet pista, por dhe sipërfaqet që shërbejnë për sigurinë e aeroportit deri në 30 metra.

Albert Seferaj, Inxhinier: “Ne kemi filluar me fazën e gërmimit dhe zgjerimit të pistës së sipërfaqes aktuale, planifikohen 1 milionë metër kub material”.

Është projektuar që aeroporti i Kukësit të ketë parametra e standarde me aeroportet ndërkombëtare europiane.

Punimet parashikohen të përfundojnë vitin e ardhshëm dhe përfshirë kohën e certifikimeve dhe lincensimeve fluturimet mund të nisin në shtator të 2020-ës. Deri atëherë duhet të shohim./ABC News Albania