Një 28-vjeçare ka ndërruar jetë pas një operacioni në një spital privat në Tiranë. Përmes një komunikate zyrtare policia bën me dije se ka nisur hetimet në lidhje me rastin.

Për të gjetur shkqet e vdekjes është ngritur një grupi hetimor i cili do të kryejë autopsinë, si dhe ka nisur marrja në pyetje e familjarëve dhe mjekëve.

Materialet në ngarkim të rastit u referuan pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

“Ditën e djeshme, më datë 30.01.2024, është marrë njoftim se në një spital privat, pas një operacioni, ka ndërruar jetë shtetasja I. H., 28 vjeçe, banuese në Tiranë.

Pas marrjes së njoftimit, në drejtimin e Prokurorisë, është ngritur grupi hetimor dhe janë kryer veprimet e para procedurale si autopsia, marrja në pyetje e familjarëve, marrja në pyetje e mjekëve dhe anestezistit që kanë marrë pjesë në operacion”, thuhet në njoftimin e policisë./euronews.al