Një shqiptar i cili kishte hyrë për të vjedhur brenda një shtëpie, është rrëzuar nga kati i tretë i ndërtesës. Gjendja e tij paraqitet shumë e rëndë. Mësohet se bëhet fjalë për një 23-vjeçar shqiptar me iniciale R.M.

Ai u rrëzua nga ballkoni, teksa po largohej bashkë me shokun e tij pas një tentative vjedhje në një pallat në komunën e Loano, në Itali.

I riu u transportua me urgjencë në spital dhe ndodhet nën kujdesin e mjekëve.

Mësohet se dy hajdutët ishin ngjitur nëpërmjet tubit të kullimit në katin e tretë të pallatit. Ata hynë në një banesë, u mbyllën brenda duke nisur të kërkonin për para dhe sende me vlerë.

Por u zunë në befasi teksa u kthye i zoti i shtëpisë. Në tentativë për t’u larguar i riu shqiptar u rrëzua nga ballkoni.

Sakaq hajduti tjetër arriti të largohej, duke e lënë shokun në gjendje të rëndë.