Hoxha pret në takim Presidentin e Inteligjencës së Përgjithshme në Mbretërinë e Arabisë Saudite

16:11 | 22 Gusht 2024
E.G

Ministri i Brendshëm i Shqipërisë, Ervin Hoxha ka pritur sot në takim Presidentin e Inteligjencës së Përgjithshme, në Mbretërinë e Arabisë Saudite (me gradën Ministër), Khalid bin Ali bin Abdullah Al Humaidan.

Me anë të një postimi në Facebook, ai tha se u ka shprehur falënderimet për bashkëpunimin e shkëlqyer që kanë ndërtuar mes dy vendeve, si dhe vullnetin se mbetemi të përkushtuar për të punuar për forcimin e mëtejshëm të marrëdhënieve, sidomos në fushën e sigurisë, ku interesi është i përbashkët, shkruan Arbresh.info.

“Dakordësuam për të zhvilluar më tej kapacitetet dhe mundësitë në shkëmbimin e eksperiencave, shkëmbimin e informacionit, si dhe vendosjen e pikave të kontaktit mes dy palëve.”, ka shkruar ai.

“Folëm gjithashtu mbi bashkëpunimin në fushën e teknologjisë për një policim më të mirë, për qytetarët tanë.”, shtoi Hoxha./Arbresh.info/