Ministri i Jashtëm i Shqipërisë, Igli Hasani, shkruan se në takimin e 17-të të Komitetit Parlamentar të Stabilizim-Asociimit BE-Shqipëri ka ritheksuar angazhimi i palëkundur të Qeverisë Shqiptare për axhendën e reformës së BE-së dhe bashkëpunimin e ngushtë me Parlamentin në këtë prioritet kyç për Shqipërinë.

Ai përmes një postimi në Facebook, shkruan se Shqipëria mirëpret hapjen e negociatave për grupkapitullin e çështjeve themelore pa asnjë vonesë.

“Në takimin e 17-të të Komitetit Parlamentar të Stabilizim-Asociimit BE-Shqipëri, ritheksova angazhimin e palëkundur të Qeverisë Shqiptare për axhendën e reformës së BE-së dhe bashkëpunimin e ngushtë me Parlamentin në këtë prioritet kyç për vendin tonë. Mirëpresim hapjen e negociatave për grupkapitullin e çështjeve themelore pa asnjë vonesë. Mirënjohje Parlamentit Evropian për bashkëpunimin dhe për mbështetjen e procesit tonë të integrimit në BE”, shkruan Hasani. /Arbresh.info/