Tre eurodeputetët në një deklaratë të përbashkët kanë dërguar mesazh të fuqishëm për Shqipërinë nëse kjo e fundit dëshiron të përfundoj negociatat e pranimit duhet të përmbush angazhimin e saj.

Kryetari i Komisionit për Punë të Jashtme, David McAllister (EPP, DE), raportuesi i përhershëm për Shqipërinë, Isabel Santos (S&D, PT) dhe kryetari i Delegacionit të Parlamentit për Shqipërinë, Manolis Kefalogiannis (EPP, EL) kërkuan nga Parlamenti i Shqipërisë do të miratojë me shpejtësi marrëveshjen e 5 qershorit për Reformën Zgjedhore, transmeton arbresh.info.

“Ne presim që shumica parlamentare të miratojë ndryshimet e nevojshme pa dëmtuar konsensusin e arritur midis Qeverisë dhe Opozitës më 5 qershor. Është e rëndësishme të arrihet një marrëveshje, të ruhet dialogu dhe konsensusi me të gjitha partitë politike, në mënyrë që të mund të thirret konferenca e parë për negociatat e anëtarësimit, dhe për këtë arsye të vazhdojë procesin e integrimit evropian.
Parlamenti Evropian është i përkushtuar të mbështesë Shqipërinë në rrugën e saj të integrimit evropian dhe është i gatshëm të punojë me Parlamentin shqiptar në lehtësimin e dialogut dhe ndërtimin e konsensusit mbi reformat thelbësore në fushat e demokracisë, sundimit të ligjit dhe përgjegjshmërisë që janë të domosdoshme për BE-në e vendit të ardhmen.

Shqipëria paraqiti kërkesën e anëtarësimit në 2009 dhe iu dha statusi i kandidatit në vitin 2014. Këshilli vendosi të hap negociatat e pranimit me Shqipërinë dhe Maqedoninë e Veriut më 25 mars 2020, pas propozimeve të Komisionit për një metodologji të rishikuar të zgjerimit .

Në qershor të vitit 2020, Komisioni paraqiti projekt kornizat e negociatave që, pasi të jenë finalizuar, do të përdoren për të negociuar pranimet në BE të dy vendeve të Ballkanit. Shtetet anëtare të BE-së duhet të miratojnë këto dokumente dhe Kryesia e Këshillit do t’i paraqesë ato në fillimin e negociatave të pranimit. Botimi i raporteve të zgjerimit të Komisionit Evropian për vitin 2020 është shtyrë deri në vjeshtë për shkak të pandemisë COVID-19./arbresh.info/