Del i pafajshëm ish kryebashkiaku Shpëtim Gjika

14:31 | 14 Nëntor 2018

Gjykata e Apelit në qytetin e Vlorës i ka dhënë pafajësinë ish kryetarit të bashkisë Shpëtim Gjika, i akuzuar për shpërdorim detyre, falsifikim dokumentash, fshehje të provave të krimit dhe së fundmi, ndërtim të paligjshëm.

Akuza e prokurorisë ka qenë se ish kreu i bashkisë kishte marrë pjesë në ndërtimin e paligjshëm të një pallati 11 katësh në Vlorë.

Prokurori i çështjes Albert Kuliçaj, kërkoi në pretencën e tij të dhënë 8 vite burg për Gjikën, por këto akuza ranë në gjykatën e Apelit Vlorë, e cila e ka shpallur të pafajshëm ish-kryebashkiakun.

Trupi gjykues ishte përbërë nga kryetarja e Gjykatës së Apelit Vlorë, Alma Liçaj, Petrit Aliaj dhe Iliba Bezati.

 

Shpërndaje në rrjete sociale