Berisha në “arrest shtëpie”, reagon Ilir Meta: Izolimi i liderit të opozitës, kambanë alarmi

20:39 | 30 Dhjetor 2023
KRG

Kreu i Partisë së Lirisë, Ilir Meta, ka reaguar pas vendimit të GJKKO për t’i caktuar ish-kryeministrit të Shqipërisë masën e sigurisë ‘arrest në shtëpi’.

Meta shprehet se vendimi është një akt ekstrem i përndjekjes politike të Berishës dhe vepër e drejtpërdrejtë e Edi Ramës për eliminim e opozitës.

Kreu i PL-së ka komentuar dhe ndalimin e komunikimit për Berishës, ku shprehet se është një kambanë alarmi liritë dhe të drejtat e çdo qytetari.

Reagimi i Metës:

Vendimi i sotëm i GjKKO është një akt ekstrem i përndjekjes politike të Prof. Dr. Sali Berishës dhe vepër e drejtpërdrejtë e Edi Ramës për eliminimin e opozitës. Izolimi i paprecedentë i liderit të opozitës është kambanë alarmi për liritë dhe të drejtat e çdo qytetari, për vetë ekzistencën e shtetit të së drejtës, si dhe për pluralizmin politik, që është nga sot më i kërcënuar se kurrë më parë.