Ministri i Brendshëm, Taulant Balla, priti sot presidentin e Rajonit të Friuli Venezia Giulia, Massimiliano Fedriga, teksa Shqipërinë e vizituan vitin e kaluar rreth 1 milion turistë italianë e, këtë vit, ky numër pritet të dyfishohet.
Ministri i Brendshëm tha se, lajmi më i përhapur për Shqipërinë është certifikimi ndërkombëtar si një destinacion evropian me siguri publike mbresëlënëse.
Ai nënvizoi faktin se, Shqipëria ka ofruar dhe ofron potenciale të mëdha në fushën e turizmit, jo vetëm për vijën e mrekullueshme bregdetare, cilësinë e ushqimit, por theksoi edhe një element kyç, siç është siguria publike për pushuesit.
Balla tha se, në mbi 10 milionë turistë që erdhën vitin e kaluar, nuk u regjistrua asnjë incident serioz. Policia dhe autoritetet iu kanë ardhur në ndihmë në çdo rast që është kërkuar.
Gjithashtu Balla ftoi investitorë italianë të rrisin prezencën e tyre në vendin tonë në sektorë me interes, si energjia e rinovueshme apo bujqësia.
Delegacioni nga vendi mik shprehu interes jo vetëm për rritjen e numrit të shkëmbimeve turistike në dy vendet, por edhe për gjetjen e hapësirave të tjera për investime.
Ministri i Brendshëm, Taulant Balla, duke pranuar ftesën për një vizitë në Itali, propozoi mbajtjen e një forumi në Trieste me pjesëmarrjen e vendeve të rajonit, për rritje e sigurisë dhe luftën ndaj trafiqeve./atsh
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...