Një avion privat ka bërë ulje urgjente këtë të hënë në Malësinë e Madhe.

Bëhet e ditur se rreth orës 09.00 të mëngjesit mjeti fluturues është pikasur nga barinjtë në Velipojën e Vermoshit.

“Nusja më hyri në shtëpi dhe më terrorizoi”, rrëfimi i të moshuarës.

Mësohet se pas një ore, piloti ka tentuar të ngrihet në ajër, por është përplasur me disa pemë.

“Disa minuta më vonë, në vendin e ngjarjes ka ardhur një fuoristradë dhe ka marrë dy personat që ndodheshin në aeroplan. Këta në makinë nuk lejuan që banorët e fshatit të afroheshin,” kështu është shprehur kryeplaku i Klemendit Prek Vata.

Blutë janë duke shkuar në vendin e ngjarjes. Ndërkohë në lidhje me këtë incident ka reaguar për ABC dhe ministria e Mbrojtjes, e cila thekson se “mjeti nuk është i joni”.

Fatmirësisht nuk ka asnjë të lënduar nga avioni, por nuk dihet se ku ndodhen piloti, dhe nëse kishte pasagjerë. Ndërkaq nuk ka asnjë informacion në lidhje me shkaqet e kësaj ulje.

“Më datë 04.10.2021, rreth orës 12:30, është marrë informacion se në zonën e Vermoshit, në kufirin ndarës ndërmjet Shqipërisë dhe Malit të Zi (vendi i papërcaktuar) është rrëzuar një avion i vogël. Menjëherë janë nisur shërbimet nga DVP Shkodër dhe Komisariati i Policisë Malësi e Madhe, së bashku me Policinë Kufitare për verifikimin e rastit,” thuhet në njoftimin e policisë./arbresh.info/