Aksident në Bulqizë, makina del nga rruga, lëndohen 4 persona

11:26 | 7 Shtator 2023

Një aksident ka ndodhur mëngjesin e kësaj të enjteje në Bulqizë me pasojë katër të plagosur.

Aksidenti ka ndodhur në vendin e quajtur kthesa e Krastës. Shoferi S.Ç., duke drejtuar automjetin tip “Jeep”, ka humbur kontrollin mbi drejtimin e tij dhe mjeti ka dalë nga rruga.

Për pasojë janë lënduar personat që ishin në këtë automjet, konkretisht Avni Tançi, 58 vjeç, Pellumb Shehu, 73 vjeç, Arjan Gjoka, 49 vjeç dhe Sabri Kurt, 62 vjeç, të cilët po marrin ndihmë mjekësore në spital, jashtë rrezikut për jetën.

Të plagosurit ishin të afërm mes tyre dhe ishin nisur të shkonin në një festë në Martanesh.

Grupi hetimor po kryen hetimet për zbardhjen e shkaqeve të aksidentit./TCH/

Shpërndaje në rrjete sociale

Lajmet më të lexuara

Të ngjashme

Foto lajm