Aksident i rëndë mes tre veturave në Tepelenë: 4 të vdekur dhe 2 të lënduar

21:34 | 17 Mars 2024
R J

Katër viktima dhe dy persona te plagosur është bilanci i aksidentit tragjik të ndodhur në aksin rrugor Tepelenë-Memaliaj.

Automjetet janë shkatërruar thuajse plotësisht si pasojë e përplasjes së fortë. Në zonë ndodhen edhe forca policie, ndërsa grupi hetimor po punon për zbardhjen e plotë të shkaqeve të këtij aksidenti tragjik.

Sipas informacioneve paraprake dyshohet se shkak i këtij aksidenti të jetë bërë një parakalim i gabuar, por gjithashtu dyshohet se edhe lagështira në rrugë mund të jetë bërë shkak që një nga drejtuesit të ketë humbur kontrollin dhe të jetë përplasur me dy makinat e tjera.

Të lënduarit janë në gjendje të rëndë dhe mund të transportohen drejt Tiranës, nëse gjendja e tyre shëndetësore nuk përmirësohet.