“Gjikuria, nënkryetar i bashkisë”, Tavo: Propozimin e kam me sinqeritet, jo për propagandë

Kandidati socialist për zgjedhjet në bashkinë e Himarës, Vangjel Tavo, sot në mbylljen e fushatës zgjedhore, bashku me kryeministrin  Edi Rama dhe Blendi Klosin, janë takuar me banoret e zonës së Himarës, para zgjedhjeve të së dielës.

Gjatë fjalës së tij Tavo propozoi kandidatin e PD-së, Petro Gjikuria për nënkryetar bashkie.

Kandidati për kryetari në Himare, u shpreh se propozimi i tij është i sinqertë dhe jo për propagandë.

“E kam shprehur, propozoj Petro Gjikuria si nënkryetar bashkie. Propozimin e kam me sinqeritet, jo për propagandë. Kush do mund t’i bashkohet programit tonë për Himarën dhe himarjotët. Për propozimin që dhashë s’ka pse t’i ngel kujt qejfi pasi Himara është e të gjithëve. Të majtëve dhe të djathtëve. Kush ka interes për zhvillimin Himarës, janë të mirëpritur.”, tha Tavo. /Arbresh.info