Vallëzimi i parë i Besit dhe Xhensilës, si burrë e grua

23:11 | 1 Shtator 2017
Trina Galanxhi

Është duke u mbajtur një nga ceremonitë martesore më të përfolura të këtij viti. Xhensila Myrtezaj dhe partneri i saj i disa viteve, aktori i humorit Bes Kallaku po lidhin kurorë në Pallatin e Brigadave duke bërë bashkë mjaft personalitete VIP të shoubizit dhe fushave të tjera, pa lënë mënjanë dhe miqtë apo familjarët.

Xhensila, një nuse e mrekullueshme dhe e bukur, ka vallëzuar me bashkëshortin nën tingujt e këngës së Jovanotti-t me titull ‘A te’ duke shënuar kështu vallëzimin e tyre të parë si të martuar.

Të pranishmit duken të mrekulluar nga kjo ceremoni dhe betimet që dyshja zgjodhi t’i bëjë njëri-tjetrit. Nuk mund të mungonte në dasmën e tyre edhe kënga më e famshme e Besit me titull ‘Baftjar’, kënga e cila e bëri çiftin të tërbohej.

Madje Besi e hipi Xhensilën mbi shpinë duke kërcyer dhe duke krijuar një atmosferë të paparë.