I dashuri i Kylie Jenner qenka shumë i shqetësuar që 20-vjeçarja vazhdon dhe punon ende pavarësisht se është bërë nënë.

Sipas “In Touch”, Travis Scott i ka kërkuar, Kylie-t që ta lërë punën dhe të qëndrojë në shtëpi me vajzën.

“Travis e do Kylie-n, dhe ata janë prindër të lumtur. Gjithsesi, ai është i shqetësuar, që Kylie është rikthyer sërish në punë, dhe kërkon që 20-vjeçarja t’i qëndrojë gjatë gjithë kohës pranë vajzës së vogël”,-është shprehur një burim për In Touch.

Nga ana tjetër, Kylie nuk e ka pranuar këtë kërkesë të Travis, pasi ajo ka një axhendë të ngjeshur, dhe bizneset e saj, kërkojnë përkushtim.

Gjithsesi, kjo kërkesë e reperit nuk është aspak e drejtë, pasi që nga momenti që ka ardhur në jetë Stormi, ai ka qenë gjithë kohës në udhëtime, dhe nuk ka qëndruar gjatë në shtëpi me vajzën.