Këngëtari Shpat Deda njihet për vokalin e tij të hatashëm.

Ai ka befasuar publikun kur e sfidoi vetën edhe si producent në filmin e metrazhit të shkurtër ‘Home’, shkruan portali arbresh.info.

Ekipi i filmit ‘Home’ që mori çmimin në kategorinë e ‘filmit të metrazhit të shkurtër’ në ceremoninë BAFTA 2017, ishin të pranishëm për të ndarë me publikun ngjarje interesante gjatë xhirimit të këtij filmi me tematikë të refugjatëve.

Në konferencën e parë për shtyp morën pjesë: Producenti Shpat Deda, regjisor dhe skenarist Daniel Mulloy të cilët falenderuan të gjithë për pjesëmarrjen.

Regjisori njëherësh skenarist Daniel Mulloy tha se është krenari të jesh pjesë e këtij filmi.

‘Tema e filmit është prekëse dhe jam i lumtur që jam këtu me juve sot. Filmi trajton temën e refugjatëve dhe nuk mund realizohej më mirë përpos në Kosovë’, u shpreh Daniel i cili nuk la pa përmendur edhe faktin se të punosh me FSK-në është nder.

Në anën tjetër Shpat Deda i cili ishte producent i këtij filmi që tregoi momentet e xhirimit dhe gjindshmërinë që pati i gjithë ekipi.

‘Nuk është bash lehtë me i gjet 100 goma brenda gjys ore në Janjevë me e improvizu momentin e djegjes së shtëpive’, tha Shpati i cili ishte shumë entuziast për këtë sukses.

Përndryshe, ky film zgjat 20 minuta dhe rrëfen vështirësinë e refugjatëve, xhirimet e të cilit kanë përfunduar në Kosovë, kryesisht në Janjevë dhe Graçanicë./Abresh.info/