Gjatë fundjavës që lamë pas Koreja e Veriut ia tregoi botës fuqinë ushtarake. Mirëpo, disa përdorues të rrjeteve sociale janë interesuar te një ushtare në veçanti.

Kim Jong-un shfrytëzoi festivalin e Ditës së Diellit (që feston përvjetorin e lindjes të themeluesit Kim Il-sung) për të treguar arsenalin ushtarak, duke e paralajmëruar në këtë mënyrë botën për fuqinë e tij ushtarake.
Një numër i vogël gazetarësh janë lejuar që ta përcjellin nga afër ceremoninë në Pyongyang dhe disa prej tyre kanë publikuar fotografi në rrjetet sociale,.

Gazetari Jeremy Koh ka arritur të bëjë një selfie me një ushtare të Kim Jong-un, e cila menjëherë u bë hit në Twitter.

“Do ta shpëtoja nga regjimi i keq”; “Nuk e di nëse është nga kapela, flokët apo mungesa e makijazhit, por ajo duket mahnitëse”; “Do t’ia tregoja lirinë…” – janë disa prej komenteve që i kanë pushtuar rrjetet sociale.