Të mërkurën (27 janar) një vrasje e rëndë ndodhi në rrugën “Ndue Përlleshi” në Prishtinë, me ç’rast mbeti i vrarë ish-anëtari i Babastars, Albert Krasniqi.

Ky i fundit dyshohet se u vra nga babai i tij, Skënder Krasniqi, ndërsa ngjarja tronditëse ndodhi rreth orës 17:00.

Alberti përveç se ruante raporte shumë të mira me një pjesë të grupit Babastars, ai ka qenë mik i mirë edhe i shumë emrave të tjerë të estradës.

Së fundmi ka qenë reperi i njohur Lluni, ai i cili ka shprehur ngushëllimet e tij në një postim të ndarë në InstaStory.

Postimi në fjalë paraqet Llunin në një pozë përkrah Albertit dhe disa miqve të tyre të përbashkët.

“Pusho në paqe, Albert Krasniqi”, ka shkruar ai.