Aktori legjendar, Jack Nicholson, ka vendosur të pensionohet, ka bërë të ditur miku i tij, Peter Fonda.

“Unë mendoj se në thelb ai tashmë është i pensionuar, megjithatë nuk dua të flas shumë për këtë. Ai ka bërë punë të madhe dhe të hatashme”, ka thënë Fonda për The Sun, transmeton arbresh.info.

“Ndonjëherë njerëzit e kanë një arsye pse duan të tërhiqen dhe unë nuk kam kërkuar ta di atë arsye”, shtoi ai.

Gjatë karrierës së tij të shquar, aktori 79-vjeçar u propozua për 12 Academy Awards, duke fituar tre. Ai gjithashtu fitoi shtatë Golden Globe.

Ndërkohë, gjatë intervistave të mëhershme, Jack ka theksuar se plakja e ka ndihmuar atë të ‘bëjë përmirësime në karakter”.

“Nëse burrat do të ishin të sinqertë, ata do ta pranon se çdo gjë që ata bëjnë e bëjnë për të tërhequr vëmendjen e grave…dhe tani nuk jam më në gjendje për një gjë të tillë. Kjo më trishton”, kishte thënë ai.

“Megjithatë, unë besoj se me plakjen edhe karakteri im është përmirësuar. E gjitha kjo një balancë”./Arbresh.info