Evrovizion këtë vit ka tërhequr më pak shikues.

Të dy netët, ajo gjysmë-finale dhe finalja arritën në 182 milion njerëz në 42 vende.

Dhe, thuhet se rënja e interesimit lidhet drejtpërdrejt me mungesën e Rusisë në festival.

Ndonëse festivali është parë shumë më pak, numri i atyre që kanë pas kureshtje të jashtëzakonshme ka qenë i orientuar në Portugali, në vendin që u bë fitues i garës së sivjetme.

Salvador Sobral i ka kënaqur dhe bërë krenar portugezët, ku që nga viti 2008 kishte rënë ndjeshëm interesimi për këtë event.

Numër të madh shikuesish ka pasur edhe në Bullgari, e mbrapa me interesim nuk ka mbetur as Ukraina e Gjermania.

Pavarësisht këtyre vendeve, Eurovisioni i sivjet sipas të dhënave finale, ka ngjallur më pak interesim dhe është ndjekur nga shumë më pak njerëz.