Jehona Lumi sjell me zërin e saj të ëmbël përpunimin e këngës ‘Erdh Pranvera’

20:24 | 3 Korrik 2020
Arbresh.info

Këngëtarja Jehona Lumi, ashtu siç ka paralajmëruar, sapo ka publikuar përpunimin e këngës shqipe ‘Erdh Pranvera’.

Sipas postimit të saj, kuptojmë se kjo këngë është një nga më të pëlqyerat për të, andaj ajo ka vendosur që ta rikthej për publikun në një version tejet të ëmbël.

Këtë këngë Jehona e sjellë në bashkëpunim me dy maestrot e rrallë shqiptarë Albert Ibrahimin në fis-harmonike dhe Sinan Kajtazin në klarinet, ndërsa për realizimin e projektit janë përkujdesur: Produksioni RRecords per aranzhmananin, për videon Red media dhe video editor Arlind Repishti.

Artistja muaj më parë ka realizuar koncertin e saj recital ‘Jehonë’, ku shfaqi plotë 10 këngë të vjetra shqipe në versione mjaft interesante, ndërsa muajin e kaluar ka publikuar këngën e saj autoriale ‘Lotët’./arbresh.info/