Aktorja Ellen Barkin ka pohuar se Johnny Depp ishte një ‘burrë xheloz’ gjatë lidhjes së tyre.

Si pjesë e gjyqit të Depp-it për shpifje kundër ish-gruas së tij Amber Heard, ish-e dashura e Depp-it, Ellen Barkin, dha një dëshmi të regjistruar më parë, transmeton portal arbresh.info

Aktorja 68-vjeçare e Drop Dead Gorgeous tha se ajo u takua me Depp-in rreth vitit 1990 dhe miqësia e tyre “thjesht platonike” u zhvillua në një marrëdhënie “seksuale” në 1994.

Ajo pretendoi se lidhja zgjati ‘disa muaj’ dhe se ata vizitonin shtëpitë e njëri-tjetrit tre ose katër herë në javë.

Të dy aktorët luajtën në filmin e vitit 1998 “ Fear and Loathing in Las Vegas”.

Një avokat që përfaqësonte Heard pyeti: “A kishte një moment kur Depp veproi në një mënyrë që ishte jashtë kontrollit me ju?”

“Po”, u përgjigj ajo, ndërsa pohoi se njëherë Depp ia kishte hedhur asaj një shishe vere në një dhomë hoteli në Las Vegas.

Ajo nuk e mbante mend nëse shishja ishte plot. Ajo pretendoi se shishja nuk goditi askënd.

Barkin tha se pas kësaj ngjarje ata ishin ndarë dhe se më nuk ishin dëgjuar.

“Ai është thjesht një njeri xheloz, kontrollues, ku po shkon, me kë po shkon? Çfarë bëre natën e kaluar? Një herë pata një gërvishtje në shpinë që e zemëroi shumë, sepse ai këmbënguli se kjo vinte nga seksi me një person tjetër”, tha ai.

Dëshmia e Barkin për incidentin e supozuar të hedhjes së shisheve u dëgjua më parë në çështjen e shpifjes së Depp në Britani të Madhe kundër artikullit të The Sun, e cila e përshkroi aktorin si “dhunues të grave”.

Gjatë gjyqit të tij kundër The Sun, Depp mohoi se incidenti kishte ndodhur./arbresh.info/