Iliri i jep fund misterit: Po, i dhashë para Sabianit

01:28 | 17 Maj 2022

Marrëdhënia mes balerinit Ilir Shaqiri dhe këngëtarit Sabian Medinit ishte një nga më të përfolurat e Big Brother Vip.

U përfol se mes tyre shoqëria ishte prishur e madje u aludua se kjo erdhi sepse Iliri nuk i dha mikut të tij asgjë nga çmimi i madh.

Në një intervistë për Revistën Class, ai tregoi se si i ka shpenzuar paratë e çmimit të madh të BBV. Ai tha se tashmë nuk i ka mbetur më asgjë nga ajo shumë dhe zbuloi se një pjesë të parave ia ka dhënë Sabianit.

“S’ka mbetur gjë më për investime, sepse gjysma e çmimit u dha për bamirësi, pa asnjë influencim ose detyrim dhe shumë shpejt do merrni lajmin sa gjë e bukur po bëhet. Këtë dhuratë e kisha shkruar vetë në formularin e BBV që kur isha në izolim në hotel, para se të fillonte programi. Gjëja më e bukur pas një eksperience të tillë është të falënderosh njerëzit që kisha dhe ndjeja pranë meje, prandaj përveç miqësisë, respektit, një pjesë ua dhurova Emanuelës dhe prindërve të mi për gjithë sakrificat e tyre, një pjesë i është dhuruar Sabianit për miqësinë e krijuar në shtëpi dhe për faktin që doja ta kisha me vete në finale dhe, sigurisht, një pjesë i është destinuar vëllait tim Olti, që s’e ka marrë akoma. Për veten, jam i kënaqur dhe më mjafton emri i fituesit. U jam mirënjohës të gjithë njerëzve që më përkrahën. Unë nuk hyra për para në BBV dhe jam shumë mirë kështu”, tha Iliri./dritare/

Shpërndaje në rrjete sociale