Viti 2017 u shënua me jo pak ndarje në shoubizin ndërkombëtar.

Shumë të famshëm që kishin pak ose shumë kohë që ishin në lidhje i kanë dhënë fund romancës gjatë vitit që po shkon, transmeton arbresh.info.

Më poshtë keni disa prej çifteve në zë që i ndanë rrugët:

Selena Gomez dhe The Weeknd

10 muaj pasi e kishin bërë lidhjen e tyre publike përmes disa fotografive të publikuara në Instagram, këngëtarët Selena Gomez e The Weeknd, emir i vërtetë i të cilit ështe Abel, i dhanë fund marrëdhënies së tyre.

Menjëherë pas ndarjes, Selena u pa sërish në krahët e ish-të dashurit të saj prej vitesh, këngëtarit Justin Bieber.

Kylie Jenner dhe Tyga

Më e vogla e familjes Kardashian-Jenner, Kylie Jenner pati një lidhje tri vjeçare me reperin e famshëm, Tyga.

Mirëpo, viti gjatë vitit 2017 lidhja e tyre pësoi disa herë dridhje duke ardhur deri në fund të saj.

Kështu, Kylie u lidh me reperin tjetër Travis Scott me të cilin thuhet se është në pritje të fëmijës së parë.

 Nicki Minaj dhe Meek Mill

Dy reperët e famshëm, Nicki Minaj dhe i fejuari i saj producent Meek Mill u ndanë në fillim të vitit 2017.

Që nga ndarja, Nicki është parë shpesh në shoqërinë e reperit, Nas.

 Katy Perry dhe Orlando Bloom

Këngëtarja e famshme dhe mjaft e suksesshme Katy Perry nuk ka fat në dashuri.

Ajo pas ndarjes nga John Mayer, u pa një kohë të gjatë me aktorin Orlando Bloom me të cilin e konfirmuan lidhjen dhe një kohë dukeshin mjaft të lumtur bashkë.

Por, ja që as kjo lidhje këngëtares nuk I zgjati.

Katy tregoi se nuk ishte e gatshme për të krijuar familje dhe kjo ishte arsyeja që e qoi lidhjen në ndarje.

Scarlett Johansson dhe Romain Dauriac

Është gjithmonë interesante kur një person shumë i famshëm zgjedh që për partner të zgjedh dikë që nuk ka të bëj me artin dhe nuk është fytyrë publike.

Kjo ka ndodhur edhe me aktoren Scarlett Johansson e cila pas 3 vitesh martesë me Romain Dauriac u ndanë përfundimisht në shtator.

Anna Faris dhe Chris Pratt

Dy aktorët e famshëm u ndanë në vitin 2017 pas 8 vitesh martesë.

FKA Twings dhe Robert Pattinson

Këngëtarja dhe aktori i famshëm i dhanë në vitin 2017 po ashtu, fund lidhjes së tyre tri vjeçare.

Ata ishin edhe të fejuar.

Jaden Smith dhe Sarah Snyder

Djali i aktorit të famshëm Will Smith, Jaden Smith i ka dhënë fund romancës me Sarah Snyder vitin që po shkon.

Ata ishin në lidhje për një vit.