Reperi i njohur, Kanye West është paditur për shkelje të të drejtave të autorit për përdorimin e një mostre në një këngë nga albumi i tij “Donda 2”.

45-vjeçari u akuzua në një padi të ngritur të mërkurën në gjykatën federale të New Yorkut për përdorimin e një mostre nga kënga e vitit 1986 e Marshall Jefferson “House Move Your Body”, e njohur si “The House Music Anthem”, pa leje paraprake ose pa paguar kompensim në këngën e tij “Flowers”.

Mostra ‘përsëritet të paktën 22 herë gjatë gjithë këngës’, sipas një ankese të paraqitur nga botuesi i Jefferson’s Ultra International Music Publishing në Gjykatën e Qarkut të SHBA në New York.

Jefferson, 62 vjeç, shkroi dhe performoi “Move Your Body” që arriti në pozitën e 34 në tabelën e shitjeve të këngëve në “Billboard” në gusht 1986.

“Move Your Body” u bë fillimisht i njohur në qytetin e lindjes së Jefferson, Çikago, përpara se të publikohej nga Trax Records në korrik 1986./abcnews.al