Sienna Miller dhe Brad Pitt do të ishin çift i shkëlqyeshëm, të paktën duke gjykuar nga pamja fizike.

Aktori Brad Pitt thuhet se përfundimisht ka nisur tutje. Pasi ishte përfolur se është në lidhje me Kate Hudson, tash flitet se është në dashuri me Sienna Miller.

“Çifti gjithë kohën ka flirtuar dhe janë prekur me butësi në një darkë private pas promovimit të filmit”, ka thënë një burim i afërt me Sienna dhe Pitt.

Afrimi mes dy aktorëve nuk është i papritur, pasi Sienna ka rolin kryesor në filmin “Qyteti i humbur Z”.

Në promovimin e filmit në Los Anxhelos, Pitt dhe Miller ishin së bashku gjithë kohën.

Filmi është xhiruar para dy vjetësh, ndërsa që nga ajo kohë kanë nisur zërat për Brad dhe Sienna.

Brad dhe Angelina Jolie shokuan botën kur para disa muajve njoftuan se do të ndahen.