Shkaktari që dëmton eshtrat te gratë

10:50 | 23 Dhjetor 2020

Nga dhimbjet e eshtrave nuk do të shpëtojë askush. Nëse jo në moshë të re, me kalimin e viteve këto dhimbje do të shfaqen gjithsesi.

Veçanërisht te gratë këto dhimbje janë më të shpeshta sepse 1 nga 3 gra ankohen për sëmundje të eshtrave, ndërsa te burrat ky numër është më i vogël – 1 në 5. Arsyeja besohet të jenë ndryshimet në trup që i përjeton femra gjatë jetës së saj. Por shkaktarët mund të jenë nga më të ndryshëm.

Hulumtuesit e Universiteti të Bufalos në New York e studiuan këtë dukuri te 11,084 persona. Të gjitha pjesëmarrëset ishin gra mbi moshën 50 vjeç apo në periudhën e menopauzës.

“Shtëpiaket e dëshpëruara”… edhe gratë rrëmbejnë armët për t’u mbrojtur nga armiku

Në këtë studim u vëzhguan disa pjesë të përditshmërisë së tyre dhe se si ajo ndikon në shëndetin e kockave. Të dhënat treguan se gjumi ishte faktori kryesor që i ndihmon ose jo kockat. Krahasuar me gratë që flenë më shumë se 5 orë gjumë çdo natë, ato që flenë më pak kanë shansa më të mëdha të preken nga osteoporoza. Te ky grup u pa se mosha e kockave të tyre ishte të paktën një vit më e vjetër se e pjesëmarrësve të tjerë.

Eshtrat që preken dhe dobësohen më shpejt janë ato të qafës, kyçeve dhe shtyllës kurrizore. Kjo mund të shkaktojë dhimbje të vazhdueshme mesi, qafe, ndryshime në strukturën e trupit apo vështirësi në lëvizje.

Mjafton të flini mbi 5 orë apo 7 orë gjumë të qetë çdo natë dhe do të siguroni një shëndet të mirë për eshtrat dhe të gjithë organizmin.

 

Shpërndaje në rrjete sociale