Nuk është e vetmja sëmundje për të cilën nuk ka statistika të sakta në nivel vendi, edhe pse sëmundja e diabetit në botë po shënon çdo vit rritje, raporton KTV.

Përveç edukimit të popullatës lidhur me këtë sëmundje, zyrtarë të institucioneve shëndetësore kritikuan Ministrinë e Shëndetësisë për mungesën e sistemit të informimit.

Në Klinikën e endokrinologjisë në QKUK thonë të mbulojnë rreth 90 % të kërkesave.

Megjithatë, Shoqata e endokrinologëve ka kërkuar që të mbështeten nga ministria edhe me pompat insulinike, të cilat do të ndihmonin kategori të caktuara të diabetikëve.

Faktor kryesor i sëmundjes së diabetit është ushqimi jo i shëndetshëm, të cilin e konsumojnë një numër i madh i njerëzve, derisa atij i kontribuon edhe konsumimi i duhanit.

Sipas statistikave që posedon OBSH-ja, rreth 350 milionë njerëz janë të prekur në gjithë botën nga kjo sëmundje, më shumë se 60 milionë në Evropë dhe rreth 6% e popullatës në Kosovë.