Presidenti serb, Aleksandar Vuçiq i ka besuar sot mandatin e ri si kryeministre të Serbisë, Ana Brnabiq.

Vuçiq ka theksuar se nuk ka qenë fare e lehtë për të marrë një vendim të tillë, që t’i besojë dikujt formimin e një qeverie të re por që sipas tij ideja ishte gjithnjë për të bërë një zgjedhje më të mirë , transmeton Indeksonline.

Gjithashtu Vuçiq ka theksuar se është informuar për një përkrahje të fuqishme të Brnabiq nga Parlamenti i Serbisë dhe se ky vendim është në përputhje e sipër me ligjin në Serbi.

Ndryshe Ana Brnabiq është gruaja e parë që do të mbajë postin e kryeministres në historinë e Serbisë.Ana Brnabiq ka hyrë vitin e kaluar në qeveri si një figurë jo partiake dhe ishte pjesë e kabinetit të ish-kryeministrit tashmë President të Serbisë, Aleksandar Vuçiq saktësisht ishte pjesë e Ministrisë së Administrimit të Pushtetit Lokal.

“Jam këtu sot për të qëndruar si pjesë e skuadrës, sepse i kam borxh shumë njeriut që më solli në këtë ekip dhe për të cilin edhe sot si President kam shumë mbështetje”, ka thënë Brnabiq.