Vuçiq dhe Medvedev: Marrëdhënie shumë të mira midis Serbisë dhe Rusisë në të gjitha fushat

15:13 | 21 Tetor 2020
Arbresh.info

Presidenti i Serbisë, Aleksandar Vuçiq dhe Zëvendëspresidenti i Këshillit të Sigurimit të Rusisë, Dmitry Medvedev, biseduan sot përmes një video-lidhjeje.

Ata konfirmuan se Serbia dhe Rusia kanë marrëdhënie shumë të mira në të gjitha fushat e bashkëpunimit.

Vuçiq dhe Medvedev, biseduan edhe për krizën e shkaktuar nga shfaqja e virusit korona, por edhe për mënyrat që të dyja vendet të bashkëpunojnë për atë çështje, tha zyra e Vuçiq, raporton Tanjug, transmeton Klan Kosova.

Presidenti i Serbisë falënderoi Federatën Ruse për mbështetjen e vendit të tij në fillim të krizës së madhe shëndetësore dhe shtoi se zgjidhja e vetme e vërtetë për shpëtimin e njerëzve mund të ishte përdorimi masiv i vaksinës kundër COVID-19.