Prokurorët nuk e duan lirimin e Mlladiqit për trajtim mjekësor

16:04 | 3 Prill 2017
Arbresh.info

Prokurorët kanë kërkuar t’i refuzohet kërkesa ish udhëheqësit ushtarak të serbëve të Bosnjës, Ratko Mlladiq për lirim me qëllim të trajtimit mjekësor, transmeton portali arbresh.info.

Ish gjenerali përballet me akuzat e krimeve të luftës nga Tribunali Ndërkombëtar Penal për rolin e tij në luftërat e Ballkanit 1992-1995.

Ai ka përjetuar disa sulme në tru para se të arrestohej në vitin 2011, 16 vite pas arratisë.

Avokatët e Mlladiqit kanë paraqitur një kërkesë për lirim të parakohshëm dy javë më parë, duke argumentuar që gjendja e tij është përkeqësuar pas hospitalizimit të shkurtër.

Ndërkohë prokurorët kanë thënë që Mlladiq është duke e marrë kujdesin më të mirë në Hagë dhe se raportimet për përkeqësimin e gjendjes së tij nga mbrojtja janë “të pasinqerta”./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm

sq sq