OBRM-PDUKM: Mickoski i vetmi fajtor që Zaevi ende është kryeministër

20:54 | 31 Gusht 2020
Arbresh.info

Nismëtarët për kongres të jashtëzakonshëm të OBRM-PDUKM-së fajësojnë Mickoskin për fitoret e Zaevit.

Në reagimin e tyre ata shprehin keqardhje që Mickoski nuk mblodhi forcë dhe kapacitet demokratik ta ofrojë dorëheqjen e tij para anëtarëve të partisë.

“Anëtarësia më mirë e din se fajtori kryesorë që Zoran Zaev për herë të dytë bëhet kryeministër është Hristijan Mickoski. Përgjegjësi dhe kongres të jashtëzakonshëm duhet të ketë patjetër. Skenari më i dëshiruar i Zaevit është që Mickoski të vazhdojë ta drejtojë partinë në humbje të reja dhe pas çdo humbje të shpallë fitore dhe të arsyetohet për lëshimet”, thuhet në reagimin e nismëtarëve për kongres të jashtëzakonshëm të OBRM-PDUKM-së.

Ndryshe, Mickoski sot në koferencë për shtyp i ftoi ata që të shkojnë në parti dhe të ulen të bisedojnë, pasi vetëm kështu sipas tij, do të mposhtet Zaevi dhe LSDM-ja./Telegrafi/