Nuk dihet se kur do të arrijë dërgesa e parë e pasaportave në Maqedoni, qytetarët në pritje

19:50 | 6 Mars 2020
Arditë Shkodra

Ministria e Brendshme nuk ka datë të saktë se kur do të arrijnë pasaportat e para të porositura. Sipas burimeve zyrtare, MPB është në pritje të konfirmimit nga kompania gjermane “Veridos” kur lëshohen porosia prej 100.000 pasaportave që duhet të arrijnë deri në fund të këtij muaji.

Zv. ministrja e Brendshme Slavjanka Petrovska për “Alsat” tha se çdo premtim për ndonjë datë nga autoritetet e tjera do të konsiderohej jozyrtare.

“Ne nuk mund të themi saktësisht se cilën ditë do të arrijë dërgesa e parë e pasaportave. Ende nuk kemi konfirmim nga kompania gjermane ‘Veridos’ kur ato janë gati”, tha Petrovska.

Javën e kaluar, ministri teknik i Brendshëm Naqe Çulev tha se dërgesa e parë e pasaportave do të arrinte për 10 ditë dhe do të lehtësonte krizën.

Por rreth 20.000 qytetarë janë në pritje të pasaportave. Ndërkohë rezervat janë duke përfunduar.