Ministri i Gjermanisë për Evropë Michael Roth do të zhvillojë nesër një “vizitë pune pune” në Republikën e Maqedonisë së Veriut dhe do të takohet me Ministrin e Jashtëm, Nikolla Dimitrov.

Sipas MPJ-së, vizita e punës është planifikuar fillimisht të zhvillohej në mënyrën e zakonshme, në dritën e pritjeve dhe perspektivave për një vendim mbi fillimin e negociatave të pranimit në BE. Duke pasur parasysh kushtet globale që lidhen me pandeminë COVID-19, parashikohet që ajo të realizohet në mënyrë dixhitale, domethënë duke krijuar një lidhje video-konferencë, e cila, thuhet, është një tjetër shenjë e mbështetjes dhe miqësisë së fortë gjermane.

Bisedimet pritet të përqendrohen në mënyrat për të trajtuar sfidat e paraqitura nga pandemia, shkëmbimi i informacionit për statusin e fundit të diskutimeve dhe përgatitjen e përfundimeve mbi procesin e zgjerimit të BE përpara Këshillit të BE-së për punët e përgjithshme, të planifikuar aktualisht për 24 mars