Borxhet e qytetarëve ndaj bankave tregtare në Maqedoni u rritën me 8.3 përqind në periudhën e kaluar, informoi Maja Stevkova-Sterieva, kryetare e Shoqatës së Bankave të Maqedonisë në intervistën e sotme për “AIM”.

Qytetarët dhe kompanitë u kanë borxh kreditorëve të tyre 353.345 milion denarë, por edhe depozitat bankare po rriten. Gjatë krizës së coronës, kishte një ngurrim të aktiviteteve të investimeve në kompani si rezultat i pasigurisë, ndërsa kreditë konsumatore dhe strehimi ishin dominuese në mesin e popullsisë.

“Deri më 30 nëntor 2020, gjithsej kreditë në nivelin e sistemit bankar arritën në 353,345 milion denarë, që është një rritje vjetore prej 5.4 përqind. Kreditë totale për familjet u rritën me 8.3 përqind krahasuar me të njëjtën periudhë të vitit të kaluar dhe 7.6 përqind krahasuar me 31 Dhjetor 2019.

Në të kundërt, kreditë totale për ndërmarrjet jofinanciare u rritën me 2.5 përqind krahasuar me të njëjtën periudhë të vitit të kaluar dhe u ulën me 0.8 përqind krahasuar me fundin e vitit”, njoftoi Stevkova- Sterieva.