Kyuchyuk: Ka dallime mes kërkesave bullgare dhe pritjeve të Maqedonisë së Veriut

17:04 | 20 Shkurt 2021
A. B.

Eurodeputeti bullgar dhe raportuesi i Parlamentit Evroian në RMV, Ilhan Kyuchyuk thotë se Shkupi është i gatshëm për bisedime me Sofjen por se ka dallime të mëdha mes kërkesave bullgare dhe pritjeve të Maqedonisë së Veriut.

Ai vlerëson se si raportues i PE-së në RMV ka pozitë me përgjegjësi nga i cili kërkohet të koordinojë politikën e BE-së, por nga ana tjetër, fakti që është politikan bullgar, e ndalon atë që të bisedojë për marrëdhëniet mes dy vednve dhe t’i ngrisë çështjet.

“Para zyrtarëve e ngrita çështjen për djegien e flamurit bullgar, për shtrembërimin e simboleve, por edhe për të drejtat e bullgarëve, njerëzit që ndjehen bullgarë si dhe për të drejtat e grupeve tjera më të vogla”, tha Kyuchyuk.

Sipas tij, nuk mund të bisedohet për të drejtat dhe liritë e njeriut vetëm kur ka zgjedhje./Telegrafi/