Ministri i Shëndetësisë, Arben Taravari, ka konfirmuar se një tjetër person ka humbur jetën si pasojë e djegies tragjike në diskotekën “Puls” në Koçan.

Ky është rasti i 60-të i viktimës nga ky incident.

Taravari tha se viktima, një burrë 35-vjeçar, po trajtohej në Lituani dhe kishte qenë në gjendje tepër të rëndë, me djegie të shumta në trup.

Ai theksoi se pacienti kishte pësuar më shumë se 40% djegie të trupit, duke krijuar mundësi për infeksione të rrezikshme.

“Njëri prej 116 pacientëve të cilët i dërguam jashtë shtetit në mëngjes ka ndërruar jetë. I ishte pacientë 35 vjeçar i cili ndodhej në Lituani, praktikisht prej këtyre 4-5 pacientëve kritik ishte në gjendje më kritike. Prej 1 prillit ishte i vendosur në dializë pasi që nisi të mos i funksionojnë edhe veshkat. Përndryshe ka pasur plagë nëpër trup mbi 40 për qind të trupit të djegur që është derë për tu paraqitur infeksionet”, deklaroi Taravari.