Kryeministri i Maqedonisë, Nikolla Gruevski, ka pranuar zgjedhje të parakohshme për shkak të stabilizimit të shtetit, dhe ashtu siç deklaroi, të mos vazhdojë agonia deri në vitin 2018, me përhapjen e urrejtjes, me grindje të qytetarëve, krijimin e pasigurisë, frikës mes njerëzve, mes investitorëve, bashkësisë së biznesit dhe te kompanitë të cilat hapin vende të reja të punës.
“Për mua shumë më i rëndësishëm është stabiliteti i shtetit, stabiliteti dhe siguria e qytetarëve, siguria në biznes, siguria në hapjen e vendeve të reja të punës, të cilat nuk guxojmë të lejojnë të ndërpriten. Me reagimin tonë të djeshëm treguam edhe siguri në qëndrimet e qytetarëve në drejtim të përkrahjes sonë, në përkrahje të politikave tona, reformave, projekteve të cilat i premtojmë dhe realizojmë, në rritjen e rrogave, pensioneve, ndihmës sociale, hapjen e mijëra vendeve të reja të punës, si asnjëherë deri tani, tërheqjen e kompanive të reja nga vendi dhe nga vendet e huaja, përkrahje për bujqit, investime në shëndetësi, në arsim dhe në të gjitha sferat tjera”, tha Gruevski në deklaratë për televizionin Sitell.
Ai shtoi se hapi i tyre i djeshëm është siguri në bindjet se VMRO-DPMNE-ja sërish do ta fitojë besimin e qytetarëve, përcjell zhurnal.
“Fuqishëm jemi të bindur se qytetarët do ta zgjedhin sërish këtë opsion, e jo opsionin e destruktivitetit dhe të përhapjes së urrejtjes. Nuk do ta zgjedhin opsionin, me të cilin i sjellin dëm shtetit për shkak të interesit partiak ose personal të dikujt që të vjen në pushtet. Ky opsion sërish do të mposhtet”, tha kryeministri Gruevski.